Editorial Almuzara
Colección EDICIÓN LITERARIA - NARRATIVA, Número 0
Fecha de edición junio 2022 · Edición nº 1
Idioma gallego
EAN 9788411101356
176 páginas
Libro
Dimensiones 155 mm x 230 mm
Tentando resolver o seu problema co alcohol, o profesor e tradutor Roque Corbal loita cos propios fantasmas nun tránsito que comeza en Ourense durante o estourido da guerra civil e finaliza con algúns acontecementos sociais en Vigo, pouco tempo antes da chegada da pandemia.
Ao longo da novela coñeceremos a traxedia persoal do avó Néstor; vibraremos coa historia de amor e morte da nai, Camila Ferro; saberemos, polo seu pai, Arcadio Corbal, do desenvolvemento da psiquiatría galega da década dos sesenta e principios dos setenta; presenciaremos a face máis desgarradora da doenza mental a través das voces conmovedoras de Inés Lostre e de Simón Cibeira.
O tradutor de sombras , de Moncha Fuentes, é unha novela polifónica na que voces moi potentes e diferentes acaban harmonizadas no conxunto final da obra.
Moncha Fuentes (Marín, 1952) é licenciada en Filoloxía Románica e reside en Vigo, onde exerceu a docencia no IES Santa Irene. Tradutora e colaboradora en obras colectivas e revistas de divulgación, coma os Cadernos Ramón Piñeiro ou A Trabe de Ouro . Ten publicadas as novelas O mar que nos leva (Xerais, 2019), Premio da Crítica Galega (Creación), e O tradutor de sombras (Xerais, 2022).
|