Editorial Xerais De Galicia
Fecha de edición mayo 2014 · Edición nº 1
Idioma gallego
EAN 9788499146980
320 páginas
Libro
Dimensiones 150 mm x 220 mm
Para celebrar o 55 aniversario da súa vida, Xavier Queipo presenta 55, unha colección de 55 relatos (56 se contamos o limiar, sempre evocador). A pegada do mar e dos océanos, o abraio diante das marabillas da natureza, as viaxes e as aprendizaxes que veñen prendidas tras dos ollos, as experiencias e soños dunha vida xa non curta. Xavier Queipo experimenta desde que comezou a súa andaina como escritor coa forma e cos contidos, sempre baixo a sombra tutelar da fascinación e do xogo, da alteralidade e da celebración da palabra. Este libro configura un mosaico de historias en alquimia perfecta de realidade e ficción, de espellos deformantes, a medio camiño entre a erudición e a lembranza de vidas pasadas ou posíbeis. Queipo presenta un libro que non vai deixar indiferente a quen se mergulle na súa prosa engaiolante. Un longo percorrido de innovación, de prosa mil veces renovada. Un libro para gozar.
Xavier Queipo (Compostela, 1957). Dende 1990 escribe e publica regularmente en galego. É autor, entre outros libros, de Ártico e outros mares (narrativa breve, 1990), Ringside (contos, 1993), O Paso do Noroeste (novela, 1996), Malaria sentimental (novela, 1999), Papaventos (novela, 2001), O ladrón de esperma (contos, 2001), Os ciclos do bambú (contos, 2003), Glosarios (poesía, 2004), O espello e o dragón (literatura infantil, 2005), Dragona (novela, 2007), Caderno da Revolución Cultural (crónicas radiofónicas, 2007), Saladina (novela, 2007), Felices e diferentes (crónicas radiofónicas, 2009), A illa dos cangrexos violinistas (literatura infantil, 2009), Cartas marcadas (ensaio, 2010), Ártico 2.0 (narrativa breve, 2011), Extramunde (novela, 2011, Premio Xerais de Novela, Premio Arcebispo San Clemente); 55 (relatos, 2014), Os Kowa (novela, 2016, Premio Eduardo Blanco Amor 2015), Home invisíbel (poesía, Premio Illas Sisargas de poesía erótica, 2018), Minutos para medianoite (poesía, escrito a catro mans con Ramón Neto), Corazón de Manteiga (novela, 2020) e Final feliz (relatos, 2022). Membro do Dichterscollectif van Brussel dende 2007. Recibiu varios premios en Galicia, entre eles o Premio Xosé María Álvarez Blázquez ao mellor escritor galego en 2011, o Premio da Crítica española en 1991 e o Premio Nacional de Tradución do Ministerio de Cultura (en colaboración), pola tradución do Ulysses de Joyce ao galego (2014). Participou en numerosos libros colectivos e antoloxías. Traduciu do francés ao galego a Amin Maalouf e Hervé Guivert, e do inglés a Conrad e Joyce. Obras súas están traducidas ao castelán, portugués, francés e italiano.
|