O útero dos cabalos

Resumen del libro

Este desconcertante título, "O útero dos cabalos", explica ben o carácter de transgresión que atravesa toda a obra de Lupe Gómez. Despreocupada pola lóxica e as normas, desobedente aos disfraces das rimas, toda a súa poética ten como santo e seña a extrema liberdade das verbas e dos corpos. Tamén nesa fórmula de voluntario desacato instalan a súa creatividade numerosos artistas. Textos sen bifurcacións, de fluxos e refluxos, frases breves que recomezan onde acaban, reactívanse, xustapóñense, enrédanse coma cereixas e xiran todos arredor dun único círculo. É un diario persoal onde a autora expresa os seus sentimentos. Lonxe de metafisicas, ela exhíbese coma peza central, provocadora, utilizando palabras de alta voltaxe: sexo, sangue, amor libre, entrega, nudez, crocodilos, rasgar as vestiduras, abrirse de brazos e pemas, un géyser dos sentidos que dá saída a esa forza interior que a oprime.
Fragmento do Prólogo de Xohana Torres

Biografía del autor

Lupe Gómez (Fisteus, 1972), poeta, narradora e xornalista. Colaborou en A Nosa Terra e Galicia Hoxe . Publicou libros de poesía como Pornografía (1995), Camuflaxe (2017), Caracois de Belvís (2020) ou Montaña Ioga (2022). Obtivo, entre outros, os premios Johán Carballeira, Premio da Crítica, Miguel González Garcés e Fiz Vergara Vilariño. É autora da narración autobiográfica Fisteus era un mundo (2001) e do epistolario Fosforescencias (2019). Con Salón de Té (Xerais, 2023) gañou o XI Premio de Poesía Manuel Lueiro Rey. Recentemente foi nomeada embaixadora do Concello de Curtis. Foto da autora: Arxina