O inspector e mais eu

Resumen del libro

A vida de Sandra Val, experimentada profesional dedicada á fotografía boudoir, transcorre con tranquilidade na apracible vila de Marende, ata que un día recibe a visita do inspector Roque Barallobre. Este, un home moi atractivo, solicita a súa axuda para resolver un caso policial de secuestro.
A relación co inspector e os sentimentos que este provocará nela irán afectando a Sandra ao tempo que van desfilando polo local os clientes do seu negocio; todos mostran a súa personalidade durante as sesións fotográficas, como cabe esperar dun sitio onde as persoas son retratadas en roupa interior. A través destes personaxes debúxase dun xeito ácido o bulir da vila de Marende.
As pretensións amorosas da protagonista -contadas en clave de humor- son transparentes, pero atopan a dificultade incómoda da antiga moza de Roque, que aparece na narración como unha rapaza ideal, intrépida e fermosa. Sandra intentará sobrepoñerse acompañada do seu irmán e da súa axudante no estudio fotográfico.
Nesta novela, Ignacio Vidal explora a identidade dunha muller liberal e moderna, mergullada nas contradicións que o amor leva á súa vida.

Biografía del autor

Ignacio Vidal Portabales (Compostela, 1958) é profesor titular de Dereito Mercantil na Facultade de Ciencias Económicas e Empresariais da USC e publicou numerosos artigos científicos de temática xurídica. Como escritor gañou en 2012 o Premio Blanco Amor coa novela "Dióxenes en Dolorida" (Xerais, 2013) e en 2019 o Premio de Novela Curta Manuel Lueiro con "Lara e Sabela" (Xerais, 2020). Tamén é o autor da obra "O inspector e mais eu" (Xerais, 2016). Obtivo, así mesmo, diversos premios de poesía, tanto en galego coma en castelán, tal como o Premio Universitario San Martiño Pinario e o Premio Manxa de Ciudad Real. Tamén é autor de varias monografías sobre o dereito da publicidade, o mundo cooperativo galego e a sociedade da información. "Sangue no dron" (Xerais, 2022) é a súa primeira obra destinada ao público xuvenil.