O códice do Santo Lugar

Resumen del libro

Ano 1086. Santiago de Compostela.
Un Diego Xelmírez aínda mozo, daquela estudante da escola episcopal, está involucrado no roubo do códice do Santo Lugar. Son tempos de loitas entre árabes e cristiáns, e tamén de disputas entre os normandos e o reino de Galicia, León e Castela. Tempos convulsos e de traizóns nos que Páez, bispo de Iria, envía a Xelmírez a Toledo, sede da corte real de Afonso VI, para esclarecer un roubo que pode cambiar o curso da historia da Península Ibérica e alén dos Pireneos.

Biografía del autor

Pere Tobaruela naceu en Barcelona en 1965 e vive dende hai anos en Rois. É por isto que alterna a escrita en catalán e en galego. Con máis de corenta títulos publicados en varias editoriais, transita por diversos xéneros literarios: libro ilustrado, banda deseñada, ensaio, biografía, conto, novela... Dentro da súa produción novelística atopamos obras infantís e xuvenís, e tamén para o público adulto. En Xerais, ademais de Mariña e o balón (2020), ten publicados estoutros libros para público infantil e xuvenil: Vouvos papar (2008), escrita en colaboración con Luz Méndez; A cripta do apóstolo (2010) e O códice do Santo Lugar (2013). Xunto con Andrés Meixide, é coautor da serie Formig4s, que xa conta con sete títulos.