Nunca Máis. A voz da cidadanía Tomo 1

Resumen del libro

Proxecto dirixido por Xavier Paz e Alba Vázquez Carpentier
Máis de 1.500 fotografías e documentos que reflicten o movemento social desenvolvido en Galiza despois do afundimento do Prestige.
O desastre provocado polo afundimento do petroleiro Prestige deu nacemento a un movemento cidadán sen precedentes en Galiza. A través deste libro pretende reflectirse o alcance dunha nova dinámica social que di nunca máis ás mareas negras, pero tamén a un estilo de facer as cousas. Centos de fotografías e documentos de todo tipo son ofrecidos, neste primeiro tomo, como exemplo da rica e imaxinativa resposta que espontánea e auto-organizadamente xurdiu no país galego nos seis primeiros meses desde a catástrofe.
Nunca se deu tanta creatividade concentrada na posta en escena dun novo país, un espléndido despregue de inventiva e imaxinación sen precedentes reflectido neste traballo de campo exhaustivo, amplo e representativo da obra que todos e todas construímos para salvármonos da queima, para esconxurar o chapapote, para celebrármonos como pobo cunha cultura diferenciada.
Uxía Senlle (artigo na páxina 7)
Dende o primeiro asalto do Prestige, sempre pensei que Nunca Máis era o bisté de moral que necesitaba o pobo galego.
Manuel Rivas (artigo na páxina 9)