Leyendas de l'Alto Aragón

Nieus-Luzía Dueso Lascorz, autora d'una prolifica obra en aragonés chistabín, recrea literariament en este libro decisiet leyendas populars de l'Alto Aragón. Es textos dimanan d'a literatura de tradición oral, que s'han transmeso con o paso d'es sieglos, e nos fan veyer la cosmovisión d'es habitants d'o Pirineu e lo suyo paisache. Asinas, nos i trobamos con narracions que nos enfilan enta camins de misterio («La misa d'el cura de Benás») e de bruixas («Las bruixas»), atras nos dan treslau de l'orichen d'as denominacions de diferents puestos e lugars («Leyenda de la Basa de la Mora», «La espluga de Mur García», «Leyenda d'el peu de la moncha»...). Tamién se i reconta la vida de bel personache historico («Leyenda d'el sinyor de Sant Chuan», «La Corona d'Aragón» e «Leyenda de Roderico de Mur y María») e belatras abordan la tematica relichiosa. Agora, coincidindo con o cuaranteno aniversario d'a suya publicación, Xordica Editorial recupera una obra clau d'a literatura contemporania en lengua aragonesa.