As Ramonas

Resumen del libro

PREMIO GARCÍA BARROS 2018 Mona Otero é unha muller loitadora e soñadora que persegue con ansia, e mesmo con deseperación, a súa meta de triunfar no mundo da arte.
A protagonista, sancionada coa perda do carné de conducir, non pode dispoñer de coche propio, polo que depende doutras persoas para desprazarse.
Toda a historia que se narra en As ramonas emana do interior de sucesivos vehículos desde os que a protagonista nos vai amosando un rosario de factores que delimitan a súa existencia: a competitividade, a autoestima, os odios, a pobreza, a familia, o abandono, as aparencias, a falsidade do éxito, a dignidade.
Mais Mona Otero é só un fío do nobelo no que se vai xuntando co outras ramonas -unhas veces complementarias, outras opostas- e a partir do cal van formando un complexo mundo de mulleres.
A novela de Ana Cabaleiro é, ademais, o retrato dunha sociedade rural en mutación, cun pé asentado na tradición e nos lazos familiares e co outro alancando cara á globalización

Biografía del autor

Ana Cabaleiro (Saídres, 1974) é licenciada en Xornalismo. Como autora estreouse co libro de relatos Sapos e Sereas (2017). Coa novela As Ramonas (2018) gañou o premio García Barros e foi finalista do San Clemente. Con Deixádenos remar (Xerais, 2021) foi finalista do XXXVII Premio Xerais de Novela. Tamén participou nos libros colectivos de relatos Contra o vento (2018) e O libro dos trens (2019). Xa vemos palmeiras (Xerais, 2023) é o resultado do proxecto Shukran , galardoado co I Premio Exeria de creación literaria, convocado en 2022 polo Concello de Santiago e a Residencia Literaria 1863, en colaboración co Consulado General de España en Xerusalén. <br> <br> (Foto da autora: Mónica Patxot)