Animalario de ler a diario

Resumen del libro

Esta noite hai foliada no souto e os animais convídannos a bailar con eles e a descubrir como viven polo ar, pola terra e polo mar. A vacaloura, o morcego, o corrobolás ou o caranguexo tatexo farannos rir e emocionarannos, e tamén farán que xoguemos cos poemas deste divertidísimo animalario de ler a diario, con bicharía da noite e do día.

Biografía del autor

Publicou os poemarios Ruído de trens (2015) e O filósofo coxo (2017). O relato Taxidermia , inserido no volume colectivo A garza insomne , foi a súa primeira proposta narrativa. En 2019 publica en Xerais Os días felices de Benvido Seixas , novela coa que obtén o Premio Losada Diéguez, 2020.<br> Traduciu do catalán ao galego as novelas Pan negro , de Emili Teixidor, As valgadas bravas , de Raimon Casellas, e Palabras de Opoton O Vello (Xerais, 2020). Do galego ao catalán trasladou dúas pezas de Vicente Risco: os relatos Do caso que lle aconteceu ao doutor Alveiros e Os europeos en Abrantes , e mais a novela O porco de pé . Como autor de literatura infantil, quedou finalista do Premio Merlín en dúas ocasións co libro de poemas Animalario de ler a diario (Xerais, 2022).